Tuis » Algemeen » Koeitjies & kalfies » Re: Uit "Raka" - N.P. van Wyk Louw
| Re: Uit "Raka" - N.P. van Wyk Louw [boodskap #20349] |
Wed, 27 January 1999 00:00 |
Robbert Zijlstra
Boodskappe: 111
Geregistreer: January 1999
Karma: 0
|
Senior Lid |
|
|
Meneer Kwarantyn,
Bedankt!
Ik heb het gedicht uitgeprint. Ik zal haar aandachtig bestuderen.
Met vriendelijke groet
Robbert
Kwarantyn wrote:
> Die vroue het hom die eerste gewaar
> in die loom namiddag toe die arbeid klaar
> was - aan die stampblok, in die jong-groen landerye -
> en hulle gedrie, geviere, in dun rye
> met kruik en geel, wind-ligte kalbas
> op heup en skouer deur die stekerige gras
> rustig gestap het na die koel seekoegate
> om daar te drentel tot die bruin en laat
> skemering en die eerste sterre, met klam sand
> en sagte modder om die enkels, in die hand,
> om veel te lag en ure te praat,
> of skugterig soms een-een uit te waad
> deur die taai waterblomme, naak en blink ...
> Raka, die aap-mens, hy wat nie kan dink,
> wat swart en donlker is, van been en spier
> 'n lenige boog, en enkeld dier.
>
> Oorkant die water het hy uitgestap
> uit die gebreekte riete, en soos 'n kind wat om die grap
> van 'n bont kalbassie tandeloos en stil lag,
> wit gegryns en, neergehurk, gewag.
>
> --------
>
> Die ander dag
> toe die blou visvanger stil was na sy jag
> oor die gladde, warm, seekoegate,
> en klein geslaap het aan 'n takkie oor die water,
> het die kinders hom gesien - Raka, die swart dier:
> nou 't hy oor die sand vir hulle plesier
> gebuitel, soos 'n perd gerol, gegryns, gespring,
> met 'n mank dans gehuppel in 'n kring, -
> en skielik in die water weggeplas
> waar hy glad en vinnig soos 'n otter was.
> 'n Blink vis het hy op die san gegooi,
> lank soos 'n man se skeen en rooi
> en geel gevlek bo die wit maag, ...
> maar meer as hul vrees het hy hulle behaag
> met sy mal spronge, hulle het gevlug
> lag-lag die biesies uit, maar lag-lag trug
> gekyk oor hy so snaaks was; en bo in die kraal
> met lag en skrik die ding verhaal.
> Die manne het daarna sy krag bemerk
> aan die tekens van die groot bosse: sy werk
> moes dit gewees het as die swart buffelbul
> wat die bosgange en grasruigtes vul
> met hees snuiwe en bulk, smôrens styf
> in die voetpad gelê het waar die swaar lyf
> in die knieë geknak het; as die krokodil
> hoog op die sand uit gelê het en ril
> soos 'n klein akkedissie wat die kinders met 'n stok
> geslaan het; - of die ou spiesvegter, die gemsbok,
> oordwars, gebreek, stil tussen die polle was;
> - as die vlakvark gelê het in die gras
> met sy wit lemme, en sy oë soos 'n vis
> se oë styf. Die jagters wis
> wat krag was en hulle het gevrees.
>
> Uit: N.P. van Wyk Louw. Raka. Nasionale Boekhandel Beperk. Kaapstad.
> 1962.
>
|
|
|
|
| |
  |
Gaan na forum:
[ XML-voer ] [  ]
Tyd nou: Mon Dec 23 18:23:24 UTC 2024
|
Supertaal
Blog
Soek
Hulp
Lede
Registreer
Teken aan
Tuis
